Svart leiar i slaveeigarane sitt gamle kirkesamfunn
Fred Luter tok til tårene då han som første afroamerikanar vart vald til president for Sørstatsbaptistane. Kyrkjesamfunnet vart i si tid starta av slaveeigarar.
Fleire interne kommentatorar omtalar valet på tysdag som eit vasskilje.
– Gud skal ha æra for det han har gjort, sa Luter i det han tørka tårene sine, ifølgje The Christian Post.
Rundt 7.700 utsendingar reiste seg, nokre med fuktige kinn, og applauderte den nyvalde presidenten sin, som var den einaste kandidaten. Det siste året har han vore visepresident.
FAKTAOMSørbaptistane: Southern Baptist Convention vart etablert i 1845 Har 16 millionar medlemer og er dermed USAs nest største kyrkjesamfunn etter Den romersk–katolske kyrkja Tradisjonelt har kyrkjesamfunnet eit konservativt, ikkje karismatisk preg. Dei siste åra er det blitt meir mangfaldig. Mellom anna er Saddleback Church i California, der Rick Warren er pastor, med i kyrkjesamfunnet.
Mange kjendisar
Framleis er det i stor grad kvite amerikanarar som soknar til det største protestantiske kyrkjesamfunnet i USA, med nesten 16 millionar medlemer. Den teologiske profilen er konservativ, noko som vart tydeleggjort i kjølvatnet av abortdebatten i USA på 1970–talet.
Fleire verdskjendisar har bakgrunn som sørstatsbaptistar. Dei tidlegare presidentane Jimmy Carter og Bill Clinton, tidlegare visepresident Al Gore og skodespelaren Brad Pitt er fire døme på slike som har trekt seg ut.
Kristne profilar som Billy Graham, Rick Warren og Pat Robertson er framleis medlemer. Det er også Mike Huckabee, eks–pastoren som prøvde å bli republikansk presidentkandidat for fire år sidan.
Stengde svarte ute
Luter er vald til president for eitt år, med opning for å bli attvald eitt år til. Då han i 1986 vart spurd om å leie ein sørstatsbaptistisk kyrkjelyd i New Orleans, visste han ikkje om kyrkjesamfunnets historie.
– Når eg ser tilbake, er eg glad eg ikkje gjorde det, fordi det kunne ha endra avgjerda mi, seier han til The Christian Post.
Det var nemleg usemje om slavehald som førte til splittinga med baptistar i nord og skipinga av Southern Baptist Convention i 1845. Så seint som på 1940–talet fekk dei første afroamerikanarane studieplass ved sørstatsbaptistiske pastorseminar. Mange i kyrkjesamfunnet støtta raseskiljet i USA.
Luter minner om at alle har ei fortid.
– Det er ingenting vi kan gjere med fortida vår, men det er noko vi kan gjere med framtida vår, seier han.
Utypisk fortid
Det veit han også av eiga erfaring, for det er ikkje berre hudfargen som gjer han utypisk som president for Sørstatsbaptistane. Foreldra skilde seg då han var seks år gammal. Han kallar seg ein gategut og fortel at han oppseda seg sjølv sidan mora hadde både to og tre jobbar for å forsørgje familien.
Som tenåring heldt han seg saman med det han kallar mange «sprø typar», men alt forandra seg då han vart frelst i 1977. Då begynte han i staden å gå ut på gatehjørnet og forkynne. Målet var å nå dei gamle venene med evangeliet.
Meir multietnisk
Også Sørstatsbaptistane er opptekne av å famne fleire. I fjor uttrykte leiinga eit ønske om at kyrkjesamfunnet skal få eit meir multietnisk preg.
Kommentatorar er usamde om kor viktig valet av Luter er i så måte. Somme påpeikar at han trass alt berre vil sitje i maksimalt to år. Dei viser til at det neppe er nok til å få same posisjon som til dømes Richard Land. I ei årrekke har Land vore president for kyrkjesamfunnets kommisjon for etikk og religiøs fridom og dermed ein profilert talsmann.
Ny kurs
Kommentatorar som meiner valet av Luter er betydningsfullt, påpeikar at Land var rask til å orsake feiltrinnet og at han dessutan har arbeidd sterkt for raseforsoning gjennom fleire år. Sett saman med valet av ein svart president meiner dei det viser at Sørstatsbaptistane utan tvil er inne på ein ny kurs.
(Dagen)
– Gud skal ha æra for det han har gjort, sa Luter i det han tørka tårene sine, ifølgje The Christian Post.
Rundt 7.700 utsendingar reiste seg, nokre med fuktige kinn, og applauderte den nyvalde presidenten sin, som var den einaste kandidaten. Det siste året har han vore visepresident.
FAKTAOMSørbaptistane: Southern Baptist Convention vart etablert i 1845 Har 16 millionar medlemer og er dermed USAs nest største kyrkjesamfunn etter Den romersk–katolske kyrkja Tradisjonelt har kyrkjesamfunnet eit konservativt, ikkje karismatisk preg. Dei siste åra er det blitt meir mangfaldig. Mellom anna er Saddleback Church i California, der Rick Warren er pastor, med i kyrkjesamfunnet.
Mange kjendisar
Framleis er det i stor grad kvite amerikanarar som soknar til det største protestantiske kyrkjesamfunnet i USA, med nesten 16 millionar medlemer. Den teologiske profilen er konservativ, noko som vart tydeleggjort i kjølvatnet av abortdebatten i USA på 1970–talet.
Fleire verdskjendisar har bakgrunn som sørstatsbaptistar. Dei tidlegare presidentane Jimmy Carter og Bill Clinton, tidlegare visepresident Al Gore og skodespelaren Brad Pitt er fire døme på slike som har trekt seg ut.
Kristne profilar som Billy Graham, Rick Warren og Pat Robertson er framleis medlemer. Det er også Mike Huckabee, eks–pastoren som prøvde å bli republikansk presidentkandidat for fire år sidan.
Stengde svarte ute
Luter er vald til president for eitt år, med opning for å bli attvald eitt år til. Då han i 1986 vart spurd om å leie ein sørstatsbaptistisk kyrkjelyd i New Orleans, visste han ikkje om kyrkjesamfunnets historie.
– Når eg ser tilbake, er eg glad eg ikkje gjorde det, fordi det kunne ha endra avgjerda mi, seier han til The Christian Post.
Det var nemleg usemje om slavehald som førte til splittinga med baptistar i nord og skipinga av Southern Baptist Convention i 1845. Så seint som på 1940–talet fekk dei første afroamerikanarane studieplass ved sørstatsbaptistiske pastorseminar. Mange i kyrkjesamfunnet støtta raseskiljet i USA.
Luter minner om at alle har ei fortid.
– Det er ingenting vi kan gjere med fortida vår, men det er noko vi kan gjere med framtida vår, seier han.
Utypisk fortid
Det veit han også av eiga erfaring, for det er ikkje berre hudfargen som gjer han utypisk som president for Sørstatsbaptistane. Foreldra skilde seg då han var seks år gammal. Han kallar seg ein gategut og fortel at han oppseda seg sjølv sidan mora hadde både to og tre jobbar for å forsørgje familien.
Som tenåring heldt han seg saman med det han kallar mange «sprø typar», men alt forandra seg då han vart frelst i 1977. Då begynte han i staden å gå ut på gatehjørnet og forkynne. Målet var å nå dei gamle venene med evangeliet.
Meir multietnisk
Også Sørstatsbaptistane er opptekne av å famne fleire. I fjor uttrykte leiinga eit ønske om at kyrkjesamfunnet skal få eit meir multietnisk preg.
Kommentatorar er usamde om kor viktig valet av Luter er i så måte. Somme påpeikar at han trass alt berre vil sitje i maksimalt to år. Dei viser til at det neppe er nok til å få same posisjon som til dømes Richard Land. I ei årrekke har Land vore president for kyrkjesamfunnets kommisjon for etikk og religiøs fridom og dermed ein profilert talsmann.
Ny kurs
Kommentatorar som meiner valet av Luter er betydningsfullt, påpeikar at Land var rask til å orsake feiltrinnet og at han dessutan har arbeidd sterkt for raseforsoning gjennom fleire år. Sett saman med valet av ein svart president meiner dei det viser at Sørstatsbaptistane utan tvil er inne på ein ny kurs.
(Dagen)