HUMORSHOW: Prest Lina Håland er aktuell med humorshowet Tre prester - La oss alle le.
Helene Reite Uglem
Blei boikotta som prest. No lagar ho humor av den vonde tida
Lina Håland kjende seg så motarbeida som kvinneleg prest at ho på det verste vurderte å køyre inn i ein bergvegg, for å få ein pause frå alt.
«Vi ønskjer ein annan prest» er noko av det første Lina Håland blir møtt med idet ho som nyleg ordinert prest trer inn i sin aller første jobb i ei bygd på Vestlandet.
Dei aller fleste skal leggje sin elsk på den nye presten i bygda, men ikkje alle. I fire år skal kritikarane hennar overdøyve nesten alt som er fint med den nye jobben.
Det heile skal toppe seg med spekulasjonar om henne på Facebook, artiklar i lokalavisa og ein karikatur av henne, i bar overkropp, spikra til ein kross og teksten: Nei til kvinnelege prestar.
