Gud tek plass

I Norden tek ein ikkje Gud og Jesus i bruk lenger, knapt heller i presteskapet. Det har nettopp vore nyttårstalar, der den danske dronninga og den finske presidenten er dei einaste i Norden i dag som ber om Guds velsigning.

Det er noko uforløyst med forholdet vårt til Gud i dag, og derfor reagerer dei fleste når nokon nemner namnet. Det kan ha årsak i at alle skal døy. Gud er for stor for oss menneske, og det blir merka, sjølv blant dei som ikkje trur.

På kristen grunn

Dan Korn er svensk rabbinar og forfattar som har skrive boka «Som om Gud fanns» der han prøver å fortelje oss at sjølv om vi ikkje trur på Gud, lever vi som om Gud finst.

Korn skriv at ateisten Friedrich Nietzsche var ein av dei tydelegaste på at det sekulære samfunnet kviler på ein kristen grunn, at kristendommen har skapt det sekulære samfunnet, at sekularismen er innebygd i kristendommen.

Festivalfest

Året 2024 er spesielt for meg, fordi Protestfestivalen blir arrangert for 25. gong dette året. Det skal markerast. For nokre år sidan uttalte direktør i Fritt Ord, Knut Olav Åmås, at «Protestfestivalen er ein av dei første arenaene som oppdaga revitaliseringa og tilbakekomsten av religion i offentlegheita».

Å stå utenfor sammen utenfor kirkebygget

Stadig møter eg menneske som er kritiske til festivalen «fordi den berre handlar om religion og kristendom», men det eg svarer dei, er som sant er at berre ein av sju dagar handlar om kristendom.

At eg som person har stått fram som truande, blant anna i Plussord-intervju med Egil Svartdahl, set også merkelappar på Protestfestivalen som kristen. Gud tek plass, uavhengig av samanheng.

Gud er

Eg har berre lese dikta til Jon Fosse, og i et av dei skriv han noko som gir meining:

«Alt seier at Gud er. Ingenting seier at Gud finst. Kvifor skal Gud finnast? Gud som er?

Å finnast er å vere borte frå Gud for at Gud skal kunne vere og dermed for at alt skal kunne vere».

Må ytringsfriheten ha rammer?