PÅSKEKONSERTAR: Aril Schøld er dirigent for Stavanger Gospel Company som kvart år inviterer til Påskechurch for å få påskebodskapen ut til folket før dei stikk til fjells.
Pressefoto
Gospelkor framskundar påska og fyller kyrkjer til randa
Dirigent Aril Schøld meiner det er behov for å starte høgtida tidligare, slik at ikkje påskebodskapen druknar i kvikklunsj og appelsin.
– Vektinga av jul og påske har blitt litt skeiv. Julepynten er på plass halvannan månad før jul, medan påska stort sett blir markert i påskeveka, og då gjerne på fjellet med kvikklunsjen, seier Aril Schøld, leiar for For Stavanger Gospel Company (SGC), som starta Påskechurch i 2018.
Dei årvisse påskekonsertane som alltid skjer helga før palmehelga, har ført til fulle kyrkjer og over 200.000 sjåarar på TV.
Men, det beste av alt, ifølgje SGC-dirigenten, er at Påskechurch set fokus, noko som gjer det lettare å ta med seg «verdas viktigaste» bodskap til påskefjellet og grunne vidare på den der.