Det er alltid kjekt å lesa om Garborg. Men endå betre å lesa av han! Det er noko av poenget hjå dei to som har sett saman denne boka. Dei peikar på at me har mange minne om Jæren sin store forfattar.
Han står på statue både her og der, stadane han budde er freda og verna, biblioteka har samla utgåver av alt han skreiv, mange har dei også i heimane sine. Men det han skreiv vert ikkje levande før ein tek bøkene fram og les tekstane!
Boka er dedikert til Sigbjørn Reime, som har vist så mange vegen til Garborg si dikting. Det er fullt fortent! Og eit fint trekk ved utgjevinga.
