NRK: Linda Eide er ein av programleiarane for den nye satsingapå NRK.
Cornelius Poppe/NTB/NPK
Ny sakte-TV-satsing på NRK med høgtlesing frå kristen lovtekst
NRK vil feira Magnus Lagabøtes 750 år gamle landslov med opplesing frå perm til perm.
Rundt 100 personar les litt kvar når heile den 750 år gamle Landslova vert feira med ny sakte-tv-sending på NRK.
NRK-satsinga på landslovsjubileet startar klokka 12 laurdag og vil gå til klokka 00.30 natt til sundag.
– Dette blir ein festlaurdag for alle som er interesserte i mellomalderen, og alle som ikkje visste at dei var det. Eg ser veldig fram til å snakka med gjester som har arbeidd med og gløder for mellomalderhistorie, seier Linda Eide, som saman med Hans Olav Brenner skal leia sendinga.
