Sjølv om han sjølv er singel, reiser Morten Eikli (25) rundt og snakkar til ungdom om sex, porno og det å vere kjærast. Han er omtala som datingekspert og førre veke kom han med datingtips i Dagen.
Men korleis er det å faktisk gå på blind date, lurer eg på. Kollegaer tenner på ideen. Og Morten er med.
Spent møter eg opp fem minutt før tida i ein nesten tom Tullins Café. Formiddagen er tydelegvis ikkje ei normal tid å date på.
