Sterkt møte med ein krigsseglar

Tittelen på boka fortel at dette handlar ikkje berre om farfar som var ute i krigen, men kanskje like mykje om korleis det var for farmor å leva med mannen som hadde ein krevjande bagasje. Krigsseglar-syndromet vart det kalla før. Etter kvart kom nemninga posttraumatisk stress-syndrom i bruk. Farfar Einar heldt maska, for å seia det slik, frå krigsslutt til 1973. Men då kom samanbrotet. Og ei tid etter – opninga for at alt dette vonde kunne snakkast om – og etter kvart bli bok av.

Slektskrønike

Det er altså Einar Møllerhaug (1921–1998) som er farfar til forfattaren. Han vart kort tid etter andre verdskrigen gift med Alfhild, farmor, som levde heilt til årsskiftet 2023/24.