Ukens salme
HIMMELVOGNA: Denne fresken av profeten Elia som vart teken opp til himmelen i ei eldvogn, er å finne i kyrjka Santuario della Madonna del Carmine. Måleriet er av Natale Attanasio er frå 1898.
Adobe Stock
Svak sus, sterkt nærvær
Erfaringar av at Gud grip inn der det verkar umogleg, er noko av det som står igjen i livet til profeten Elias.
Som barn syntest eg forteljingane i Det gamle testamentet var noko av det mest spennande frå Bibelen.
Eg veit ikkje kor mange gonger eg ville høyre frå barnebibelen om skjøkja Rahab som berga dei israelittiske speidarane i Jeriko, men det var svært mange. Eg hadde inga aning om kva ei skjøkje var, men likte at dei rømte ned eit tau frå huset hennar på bymuren. Daniel i løvehola og David som jaga løver og sigra over Goliat var andre favorittar.
I bedehustradisjonen, som eg vaks opp i, har ikkje desse historiene vore brukte berre for born. Forkynning med utgangspunkt i livshistoriene til skikkelsar som Abraham, Josef, og Moses har vore grunnleggjande også for vaksne. Det handla ikkje berre om å forstå at Det gamle og Det nye testamentet hang saman, trur eg.
