Anmeldelser
BOKAKTUELL: Forkynnaren Sam Allberry er denne hausten ute med ei nyutgjeving av «Liker ikke Gud homofile?»
Espen Ottosen
Tek eit kontant oppgjer med samlivs-kompromiss
Sam Allberry er klar med ei oppdatert utgåve av boka «Liker ikke Gud homofile?» Det han sa for ti år sidan, er ikkje blitt enklare å seia i dag, men det hjelper at forfattaren veit kva han snakkar om.
Det mest påfallande med boka «Liker ikke Gud homofile?», er kanskje kor mykje Sam Allberry får sagt på under 100 små sider. Forfattaren undrar seg over at den vesle boka hans har nådd så vidt ut, men det verkar i grunnen opplagt.
Skal du først ta i noko skikkeleg vanskeleg: hald det konsist; nært livet og nært Jesus.
Mykje av den kristne formidlinga knytt til det som han før omtalte som «homofili», men som Sam Alberry no kallar likekjønna tiltrekking, har vore tynga ned av tåkeprat. Under ein haug med velmeinte intensjonar, forsikringar og frykt for å vera for lite omtenksam, kan det vera vanskeleg å finna att hovudpoenget.
