Age for Gud eller identitetskristendom?

18. mai hevda Olof Edsinger at det «sæle byttet» mellom oss og Kristus: han får våre synder og ureinskap, og me får hans rettferd og reinleik i bytte – skal vera grunnlaget for identiteten vår.

Men eg er djupt usamd. For eit slikt bytte gjer ingen reellt rettferdige og reine, når ein samtidig syndar. Og det hjelper ikkje å «byggja sin identitet» rundt Kristus når dette i praksis handlar om å snylta på Kristi rettferd.

Ein snyltebasert identitet skaper elles ein farlegare stoltnad enn «skeiv» identitet, fordi ein slik hevdar si rettferd basert på ei egoistisk gudstru. Dessutan ekstra ille viss identiteten «Guds born» blir eksklusiv for kristne, slik Jon Kvalbein 4/5-20 og Edsinger gjorde den. For også ikkje-kristne er skapt i Guds bilete – med lika mykje rett til å kalla seg Guds born som kristne kan.