| Kommentar
Andre får seia det er patetisk. Eg meiner det er profetisk.
Mannsrolla har møtt veggen. Løysinga er neppe ei støttegruppe. Men ein hemmeleg plan er vel lov?
STJERNELAG: Skodespelarane i Netflix-snakkisen «Adolescence» har sett fyr på debatten om mannsrolla – nok ein gong.
Kin Cheung / AP / NTB
Mannen. Hugsar du han som i gamle dagar kunne stå og mysa ut av ei sky av taus Marlboro-mystikk utan å få kritiske motspørsmål? Gåtefull som ei gaupe i granskogen kunne han fritt kryssa sitt spor.
Forventinga til mannen har likevel alltid vore at han skulle stilla opp. Men gjerne meir som samferdsletilbodet i Distrikts-Noreg: Etter lokalt utarbeidde rutetabellar som berre innvigde heilt makta å lesa av.
Under radaren
