DEBATT: «Sjølv om både Bonde Tusvik, Tufte Johansen og Matheson kan dekke seg bak at det er ein politisk nasjon dei har kasta dritt mot, er denne rekka av såkalla underhaldning grovt stigmatiserande og råkar den jødiske identiteten», skriv Rolf Kjøde. Foto: Privat
Antisemittisme i statskanalen
NRK si toppleiing har ein stor oppryddingsaksjon å gjere: be om orsaking heilt utan vilkår, sett ei klar grense mot spreiing av hatytringar, og ta mikrofonen frå dei som ikkje klarer å «underhalde» utan.
Eg skriv nesten aldri offentleg om Israel. Den politiske og historiske situasjonen er så uoversiktleg at eg til tider syns det er for vanskeleg å manøvrere. Det offentlege ordskiftet er altfor prega av einsidige perspektiv av sympati og antipati.
Då nokre av oss spurte rabbinar og politikar Michael Melchior i Jerusalem for om lag ti år sidan korleis kristne kan bidra til forsoningsarbeid i Israel, uttrykte han sterk tvil. «Mange vestlege, liberale kristne synes meir palestinske enn palestinarane i Det heilage landet, og mange vestlege sionistiske kristne meir sionistiske enn ein vanleg israelar. Ingen av delane er noko særleg hjelp i den nødvendige dialogen i landet.»
Likevel vil eg ytre meg, fordi nokon onsdag denne veka, under dekke av å hate Israel – som for nokre er edelt, kolporterte gammal antisemittisme – i eit mediehus som eg finansierer.
