Debatt
BARNEVERN: Eg er redd for at dei stega som trengst for eit velfungerande barnevern ikkje blir følgde av politikarane i kommune og stat, skriv innsendar.
Scanpix
«Barns Beste» – ein øydelagt barndom på institusjon?
Forhåpentlegvis har Brennpunkt- dokumentaren Instukids lært folk at Barnevernet ikkje er eit feilfritt system.
For mange er avsløringane som kjem fram i Brennpunkt sin dokumentarserie om barnevernet sjokkerande.
For andre er det berre toppen av isberget på problema rundt norske barnevern. Eit isberg som fleire gonger har blitt lyst opp av dommar i Den europeiske menneskerettsdomstolen og aktivistar som har engasjert seg for eit betre barnevern.
Det er godt at rusproblema i barnevernsinstitusjonar no har blitt sett på dagsordenen. Det er også bra at regjeringa varslar ei ny retning for eit betre barnevern, og dessutan at problem rundt bemanning, tvang og samarbeid blir belyst av Helsetilsynet.
