Kommentar
ÅNDELEG LEIARSKAP: Dei er godt gasjerte samfunnstoppar. Har dei noko å tilby kvardagskristne? Her er bispekollegiet samla under kyrkjemøtet i fjor.
Herman Frantzen
Bryta opp eller bli i Den norske kyrkja? Eg har konkludert
Folkekyrkja er slepphendt med læra og slurvar i samtalekunsten. Kva står ho for? Er ho til hjelp for Jesu etterfølgjarar?
Denne utforskinga av medlemskapen min i folkekyrkja starta sist desember. Ein påstand om at «det ikkje var håp for Den norske kyrkja», gav meg lyst til å sjå litt nøyare etter.
Folkekyrkja har ein masse medlemmer og gjer lite for å halda på meg. Men bør eg likevel bli verande av pragmatikk, omsyn til einskap eller gammal vane?
Under Kyrkjemøtet i mars i år, kikka eg nærare på nokre føresetnader for å bli verande. Eg såg det som eit farefullt prosjekt å vera kristen i folkekyrkja. Ho held seg med leiarar som har gjort det til ein vane å undergrava heilt grunnleggjande aspekt ved kristen tru i beste sendetid. Døma er mange, og eg kan nemna eitt.
