Kronikk
RANDI: På meisterleg vis gjev Laila Goody (biletet) figuren Randi ei sterk negativ kraft til å skapa dårleg samvit berre ved å visa seg, skriv Joar Haga.
Maipo Film/NRK
Då oljå kom til bedehuset
Korleis møter kristenlivet moderniteten i Lykkeland?
Når ordførar Arne Rettedal vil gjera seg lekker ved å visa fram Stavanger som ein «moderne by i vekst» for industrikomiteen på Stortinget, vert han møtt med flir. På lysbiletet som avsluttar foredraget hans, lyser «Jesus er verdens lys». Og etter synfaringa på Hinnavågen seier ein av Oslofolka: «Men Arne, Stavanger er en bedehusby». Ein kunne ikkje byggja ein oljehovudstad mellom gudshus, med andre ord.
Kristenliv og modernitet
Lykkeland, NRK-serien som dramatiserer kva som skjedde då oljen fløymde inn over bedehusbyen Stavanger, har starta å senda den andre sesongen. Dei kulturradikale på Marienlyst likar å setje opp kristenliv i konflikt med modernitet. Men serien har ikkje berre eit einøygd syn på kristendom som ein motsetnad til modernitet og industriell utvikling.
