Debatt
MØTTEST: Generalsekretær i Nato, Jens Stoltenberg, helsar på USAs dåværande president, Donald Trump, før Nato-toppmøtet i Watford utanfor London i desember 2019.
Heiko Junge / NTB / NPK
Dagen si einsidige svartmåling av Donald Trump
Dagen hadde ein leiarartikkel i papiravisa 20. oktober med overskrifta «Hva hadde skjedd hvis Trump var president nå?» Artikkelen har provosert fram ein del lesarinnlegg. Eg har tidlegare skrive eit langt innlegg med utgangspunkt i leiarartikkelen som diverre ikkje har komme på trykk.
Eg vil difor berre kommentera leiartikkelen si framstilling av Trump sitt forhold til Nato, som Hans-Henrik Brix i lesarinnlegg 17. november kallar «realistisk beskrivelse» og «saklig og velbegrunnet». Det var leiarartikkelen ikkje!
Kva var Trump sin bodskap til dei andre Nato-landa då han var president? Han meinte at Natolanda måtte løyva meir til Forsvaret generelt, minimum 2 prosent av brutto nasjonalprodukt (BNP), og til Natoalliansen spesielt. Det var ikkje rett at amerikanske skattebetalarar i hovudsak skulle finansiera alliansen, og at amerikanske soldatar i hovudsak skulle ofra livet sitt for alliansen. Her må alle Natolanda yta sitt. Dersom ikkje, truga Trump med å trekkja USA ut av alliansen.
