Den årlege humanetiske juleåtvaringa i media er i gang

I år har Christian Lomsdalen, leiar i Human-Etisk Forbund, eit nytt juridisk argument mot skulegudstenester, henta frå den nye opplæringslova. 

Det står at «[o]pplæringa skal ikkje vere forkynnande» i paragraf 14-5. Ei kristen gudsteneste er i sin natur forkynnande. Ergo kan ikkje elevar delta i ei gudsteneste i skuleopplæringa, slik Lomsdalen tolkar lovgjevinga. 

Lomsdalens argument ser greitt ut ved første blikk. Men det juridiske spørsmålet er meir komplisert. Høgsterett bruker å spørje om kva som er meininga med ei lovbestemming. Det er lovgjevarvilja vi må finne fram til og den finn ein ikkje alltid ved å berre sjå på ein enkelt lovtekst. Lovtekstar kan ha ei lang forhistorie før dei kan lesast i vedteken og ikraftsett lov.