Debatt
INSTINKT: Det meste av livet til dyra blir frå fødsel til død styrt av instinkt. Utan dei ville arten døy ut i første generasjon, skriv Jostein Sandsmark.
Ingvar Karmhed / NTB
Derfor er ikke evolusjonsteorien troverdig
Når ein ser på naturen kor mangslungen og rik han er på arter, former og livsuttrykk, blir ein overvelda av alle variasjonane og står mållaus overfor det fantasifulle – og undrast på korleis alt dette har komme til.
Evolusjonsteorien prøver på mange vis å finna svar på alle gåtene, men det er eitt moment som alltid står ope: Livsviljen i all naturen. Det er noko som eit materielt univers med berre fysisk stoff ikkje kan få til å oppstå av seg sjølv.
Når ein skal laga ein ting, produsera ei vare, starta eit føretak, treng ein material/stoff, energi/kraft. Dette kan vel førekomma i naturen, men det trengst noko immaterielt attåt, noko tankemessig, av åndeleg karakter som ide/plan/mål – og ein vilje/igongsetjar.
