| Debatt
«Det folk som frægt vil vera...»
SNART VALG: Eg trudde alle parti fiskar i samme «dammen». Så her forstår eg ikkje Friis Larsen, skriv Brynjulv Hernes.
Bjørn Olav Hammerstad
I Dagen for 29.03. har Simon Friis Larsen eit innlegg som gav meg inspirasjon til eit svar.
Me lever i eit demokrati, og det skal me vera glade for, sjølv om fleire vedtak kan gjera oss vondt. Til eit demokrati høyrer det og med frie val. Og veljarmassen er alle nordmenn som har stemmerett. Men Friis Larsen ser tydelegvis for seg ulike «dammar», for Konservativt «fisker ikke i samme dammen som KrF». Eg trudde alle parti fiskar i samme «dammen». Så her forstår eg ikkje Friis Larsen.
Me lever i ei uroleg tid og ei uroleg verd, og då trur eg det er viktig med godt samarbeid mellom ulike land. Men slik Friis Larsen uttrykkjer det, er det uheldig at Norge er med i WHO, FN, og vil at Norge skal ha handelsavtalar med andre. Kor gjennomtenkt dette er, stiller eg eit stort spørsmål ved.
