Det første i vår lov – ei rik førestilling

Den flotte historiske framsyninga «Det første i vår lov» burde blitt kringkasta for ung og gammal over heile landet vårt.

For litt sidan fekk eg oppleve førestillinga som tok for seg dei siste tusen åra i Norge sidan kristenretten blei erklært på Moster i 1024. Det var den aller fyrste førestillinga – og blei framført i Ålesund kommune.

Den kreative framføringa hadde sin første fødsel i ei førestilling frå 2014 i samband med 200-årsjubileet for Grunnlova, samt ein konsert i Nidarosdomen 24. juni 2023.

Vi veit at våre forfedrar drog i viking, men veit vi kva som fekk dei til å halde opp?

Denne historia er det førestillinga «Det første i vår lov» har ambisjon om å formidle, med utgangspunkt i bøna som fødte Norge og lova som bygde landet vårt.

Turneen dei dreg på i forbindelse med 1000-årsmarkeringa av kristenretten som blei sett på Moster i 1024, føregår i april, mai og juni.

Ny bok om kristenretten: – Det har vært litt som TV-fotball med sløv kommentator – fram til nå

Gjennom musikk, scenografi, skodespel og multimedia framvising får vi lære om steinen på Moster og Olav den Heilage si bøn:

«Det er det første i lovene våre, at vi skal bøye oss mot øst og be til den hellige Krist om godt år og fred, og at vi må få holde landet vårt bygd, og kongen vår ved god helse. La han være vår venn og vi hans venner, men la Gud være vår alles venn.»

Dette perspektivet om vennskap med Gud var ganske så annleis enn dei frykta norrøne gudane.

Framsyninga fokuserer også på 750-årsjubileet for Magnus Lagabøtes landslov samt 200-årsmarkeringa av Hans Nilsen Hauges død i 2024.

Kjenner vi til og bryr vi oss om vår norske historie?

Eg sat og reflekterte over kor lite av dette eg kjente til frå min 12-årige skulegang, og lurte på kvifor vi hadde så sparsam gjennomgang av stoffet i mine skuleår.

Kvelden var ei oppleving! Skodespelar Filip Stav dramatiserte kongesagaen, medan Alv Magnus hadde rolla som Hans Nielsen Hauge, og fortalde frå hans liv og virke. Imponerande all den tekst dei måtte huske utanåt.

Det var ei høgtidsstund, og ei historisk utdanningsreise.

– Kristenretten snudde opp ned på hverdagen til folk flest fra vugge til grav

Den dyktige vokalisten Anette Mortensen gav stemme til våre mest kjente nasjonal-salmar og norske folkesongar, leia på meisterleg vis av musikkansvarleg, Arild Stav.

I april fører turneen etter Ålesund vidare til Oslo, Kristiansand, Sandnes og Trondheim, før ytterlegare visitt i Bodø, Tromsø og Grense Jakobselv/Svanvik og Kirkenes i mai. Her skal dei igjen, på grensa mot Russland, minne Gud på denne bøna, om at han framleis må vere vår ven.

Til slutt skal turnegruppa besøkje Moster, etterfølgt av Hamar og til slutt Bergen.

Eg meiner bestemt at dette stoffet burde bli tilgjengeleg for heile folket. Vi har inderleg godt av å få ei påminning om kvifor Noreg har blitt det landet det er i dag.

Eg har sjølv skrive til NRK og oppmoda dei om å invitere heile teamet i sine studio for å lage eit historie-program for Noregs folk, eller alternativt filme og rapportere frå framsyningane, og dele med folket.

Måtte vi framleis bøye oss mot aust og «be til den hellige Krist om godt år og fred, og at vi må få holde landet vårt bygd, og kongen vår ved god helse. La han være vår venn og vi hans venner, men la Gud være vår alles venn».

Dette er draumen om Norge.

De skal reise landet rundt for å underholde og undervise om Norges kristne arv