Frispark
ANTI-ISRAEL: Det er synbert at NRK opererer som mikrofonstativ for alle som hamrar laus på Israel og IDF, skriv Hallgrim Berg. Aksjonsgruppa Palestina demonstrerte utanfor NRK sine lokaler på Marienlyst i Oslo i januar.
Fredrik Varfjell / NTB
Driv NRK einsretting mot Israel?
Me kjenner svaret: Norsk Rikskringkasting skal vera informativ og opplysande. Det følgjer av oppdraget som allmennkringkastar at ein skal vera uavhengig og balansert i formidlinga av nyhende og kommentarar.
I alle år, anten det er i tider med fred og ro eller krig og konflikt, kjem spørsmålet fram om NRK er nøytral eller partisk. Carl I. Hagen gjendøypte statskanalen som ARK (Arbeiderpartiets Rikskringkasting, red.anm.). Undersøkingar viser at det store fleirtalet av journalistar har politiske preferansar godt ut til venstre.
Heilt frå eg sjølv stod midt i slaget om kringkastingsmonopolet på 1980-talet og fram til i dag, har denne venstrevridinga i NRK og akademia («venstreradikalisme/kulturmarxisme») vore ein røynleg faktor. I praksis er den ideologiske grunnlagstenkinga ofte avgjerande for den politiske opinionsdanninga.
