Kommentar
SPESIALREGLAR: Ein feminisme som byggjer på kvinnelege spesialreglar i den offentlege samtalen får aldri utretta noko. Det demonstrerte nyleg Sigrid Bonde Tusvik.
Beate Oma Dahle
Eg blir litt glad av Bonde Tusviks tafatte «selfie-feminisme»
Sigrid Bonde Tusviks harang om norsk film sitt påståtte svik mot kvinner får fram at lavaen inst i moderne feminisme berre bryt ned, aldri byggjer noko.
Det er vel smått fantastisk at eit rasande utbrot frå ein rabiat feminist-komikar er noko som får ein kvinneleg mørkemann til å gleda seg. Men slik vart det altså denne veka.
Verbal atomknapp
Eg er neppe åleine om å ha lese VGs intervju med komikar Sigrid Bonde Tusviks eruptive utfall mot norsk film, og krigsfilm i sær. No var det filmen om motstandsmannen Gunnar Sønsteby som fekk feministen til å sjå raudt.
