«Eg er framand – ikkje søppel»

Det har vore stygge karakteristikkar av «den andre», den framande i den amerikanske valkampen. Men menneske er ikkje søppel. Migrantar og fattige er djupt elska av han som sjølv var fattig og driven på flukt, like etter at han vart fødd.

– Du skal ikkje undertrykkja og ikkje gjera urett mot ein innflyttar, for de har sjølve vore innflyttarar i Egypt. Slik står skrive i andre Moseboka (22,21). Det har vore med å forma livsviktig etikk i fleire tusen år. Folk har i alle år vore på vandring. Nokre gonger er situasjonen svært krevjande. Eit medmenneske, ein nabo som har medkjensle og opnar døra, er eit teikn på ei livgjevande haldning og handling som gir håp.

Mange kyrkjelydar engasjerer seg i denne «globale veka mot moderne slaveri og menneskehandel». Grunnårsaker som driv menneske ut i moderne slaveri er mellom anna fattigdom, migrasjon og flukt på grunn av klimaendringar og krig.