Debatt
MENNESKEVERD: Om alle ikkje har kompetanse til å vera statsminister, så kan alle bidra sosialt, til glede for seg sjølv og familien, og til eit inkluderande samfunn, skriv innsendaren.
Gorm Kallestad / NTB
«Eg er gift med ei kvinne som ikkje kan løfta tekoppen sin. Men ho skapte ein arbeidsplass for 7.000 tilsette»
«Barneanger» som eit feministisk tema er visstnok noko vi skal lytta til, ifølgje trendar i tida. Men er det ikkje eit kulturelt forfallsteikn», undrar Sofie Braut i ein kommentar (Dagen 15.02.).
Denne trenden gir seg mange utslag, mellom anna abort på snevert diagnosegrunnlag. Aukande press for å gjeninnføra institusjonar for funksjonshindra ungar, og bortstuing av vaksne.
I eit historisk perspektiv er den gamle styggedomen «ute av syne – ute av sinn» til jamleg diskusjon i kommunane, berre i litt finare innpakning. For den det gjeld blir resultatet det verst tenkjelege av omsyn til personen sjølv.
Denne debatten er omfattande – med mange greiner. Eg er glad at Dagen reiser han. Det er ille at ikkje sekulære medium driv fram same debatt, med vekt på menneskeverdet i staden for å hausse opp utfordringane. Dette er eit felt der religiøse og humanistiske verdiar står på same lag.
