Leder
HØGAKTUELL: Helga Guren og Oddgeir Thune spelar hovudrollene i eit samlivsdrama vi treng å sjå denne hausten.
Øystein Mamen / handout /
Ein ekteskapets «Titanic». Eit pensum i empati for oss alle
Kinomørket byr denne hausten på innleving i norsk raknande familieliv. Det er barskt, men alle som heiar på ekteskap og familie bør løysa billett.
Haustens samlivs-snakkis på det store lerretet er på ingen måte ein film med typiske kristen-vibber. Det synest vera lite himmel over livet i den klaustrofobiske heimen der mykje av dramatikken finn stad, for å seia det slik.
Handlinga tek oss rett inn i det norske myndigheiter i ein NOU frå 2019 nøkternt omtalar. «Den norske befolkningen lever i familierelasjoner som er annerledes enn tidligere (...) mer sammensatte, med mine, dine og våre barn.» Akkurat slik er det i «Elskling».
Effektive filmatiske grep tek oss nærast ubehageleg tett på norsk familieliv i 2024. Filmen er som ein ekteskapets «Titanic», ein veit alt på førehand at noko frykteleg er i emning. Men korleis vil det utspela seg?
