Økonomi
Ein oppklarande replikk om Sjøholt folkehøgskule
Etter oppslaget om Sjøholt folkehøgskule 15. juli og repetisjonen av min kritikk av prosjektet, må eg få presisera:
Kritikken har ikkje vore mot skulen, men mot to poeng: ImF-leiinga si manglande forankring av prosjektet og panikksal av eigedomar. Når det gjeld det første, forstår eg at Forbundsstyret har beklaga det. Det er difor ikkje naturleg å setja den ekstra generalforsamlinga og kritikken opp mot kvarandre.
Annonse
Når det gjeld kritikken mot det sjølbestalta prosjektet, må eg få nemna at eg sjeldan har fått så mange personlege takkemeldingar som etter den artikkelen – ja, også tallause oppmodingar i forkant for å skriva.
La meg få presisera: Eg er glad for at Per Sævik og Havila har gått inn på eigarsida slik at skulen kan bli berga. Ein folkehøgskule for 16-åringar er eit strategisk misjonstiltak som fortener både støtte og omsorg.
