Elsk din neste

På Stortinget er dei i fullt arbeid med budsjettet for neste år. Tala er store, dei ligg langt over mi fatteevne.

I budsjettet kjem partia sine grunnverdiar til syne. Og det er mykje å bruka pengar på i landet vårt. Men KrF skal ha ære for at det partiet ikkje gløymer sitt ansvar på å hjelpa dei som treng det mest. Det høyrer med til eit kristent menneskesyn.

I går kveld såg eg eit innslag på TV som eg seint vil gløyma: Det var eit satellittbilete over store deler av Europa. Det var mykje lys å sjå, men over Ukraina var det det få lys. Landet er straumlaust! Kan vi førestilla oss kva det vil seia å ikkje å kunne koka seg mat, vaska seg, gjera mykje husarbeid m.v.? Eg vil be oss tenkja etter.