| Kommentar
«Epleskrotten»: Meir mytisk enn analytisk om kristen-sex
Det er ikkje utan grunn at C.S. Lewis kalla kyskheit «den mest upopulære av alle kristne dygder».
GJEST: Skapar av Epleskrotten, Kristine Banggren Gripsgård på besøk i podkasten Tore & Tarjei.
Odd Mehus
«Epleskrotten» er ein engasjerande podkast i seks delar med tema sex-forkynning. Han lovar «utforsking av ideer om kristen sex og renhet». Mange vil ha glede av å lytta, for tematikken er stadig like aktuell, folka spennande og podden godt produsert.
Skapar er Vårt Lands Kristine Banggren Gripsgård. Ho jaktar på «svar om hva forkynnelse om å vente har gjort med folk».
Personlege historier, val og vurderingar er viktige innslag. Analytiske perspektiv kjem frå forkynnarar og frå psykologisk og teologisk eksperthald. Gripsgård gjer det likevel tydeleg at det journalistiske, ikkje det teologiske, står i sentrum.
