Er det få som vert frelste?

Både predikantar og tilhøyrarar vert anfekta av spørsmålet. Norske teologar har hevda at Gud frelser alle uansett. Oldkyrkjelege fedrar har tumla med det, og nokon kvar kan bli uroleg med tanke på både seg sjølv og sine næraste. 

Det er ikkje lett for den som skal forkynne, å kome til rette med at ikkje-angrande syndarar vert dømde til evig fortaping.

Eg tek opp temaet ikkje fordi eg saknar helvetesforkynning. Men fordi vi må kjempe med spørsmålet. Både i vårt eige hjarte, i sjelesorg og i møte med samtida sine utfordringar. Den som ikkje har reflektert gjennom temaet, endar lett i veggrøfta.