Debatt
UFØDDE: «Er det verkeleg eit gode for kvinner at grensa for sjølvbestemt abort blir utvida», spør innsendaren, jordmor, mor og bestemor Anne Rygg Lindseth
Science Photo Library / NTB
Er verkeleg målet at kvinner skal oppleve det mest mogleg friksjonsfritt å ta abort?
Høyringsuttalen som eg skreiv i samband med Abortutvalet si innstilling, vart møtt med: «serverfeil». No tek eg saka i eigne hender.
«Det oppstod dessverre en feil, prøv igjen senere», var meldinga eg fekk då eg ville uttala meg i denne viktige saka. Og her står eg, over ein månad seinare og kjem ingen veg.
Eg har sendt fleire e-postar til Helse- og omsorgsdepartementet. Berre automatisk svar derfrå. Så har eg ringt fleire gongar. Blir sett over, men ingen svarer. Eg har også prøvd ulike andre kanalar utan resultat.
Det er jo ein del av demokratiet at vi vanlege folk kan uttale oss. Eg har knapt sendt høyringsuttaler før. Men denne er ekstra viktig for meg.
