Kommentar
AKSJONIST: Ellen Hageman er aktuell med framsyninga «Skogen må være hellig». Men greier spektakulære stunt å utfordra ein teologi som set mennesket i sentrum?
Silje Rognsvåg
Etterlysing: Ordinær kristen tru
Forslag til tillegg i kyrkjebøna: «Gud, sign oss med prestar og teologar som er heilt alminnelege kristne, gje dei kraft til å droppa alt ekstraordinært til fordel for heilt ordinær kristen tru».
I ei tid der svært mykje som er middels vert omtalt som «fantastisk» og «spektakulært», har det ordinære både tronge kår og tvilsamt rykte.
Å vera alminneleg har eit trått haleheng av synonym, slik som «enkel», «kjedeleg», «normal» og «tørr». Dei einaste som kan akseptera å vera i denne kategorien, er resignerte lærarar og etterretningsfolk som glir inn blant skuggane som ein del av eit større oppdrag.
I ein mediekvardag som vår er det vesentleg «å gjera si greie», og passa på at denne «greia» både verkar kul og spontan, men samtidig er autentisk og næra av eit ekte engasjement. Det nøye utpønskte må vera i kontakt med det nøkternt uspjåka.
