Kommentar
BARNE-ANGER: I eit samfunn som systematisk nedprioriterer barneperspektivet, er det ikkje overraskande at kvinner, på invitasjon frå Aftenpostens Ingeborg Senneset, no skal «opna opp» om anger over barn dei har fått.
Fredrik Varfjell
Forgifta feminisme: Kvinner som angrar på borna dei fekk
«Barne-anger» som eit feministisk tema er visstnok noko vi skal lytta til, ifølgje trendar i tida. Men er det ikkje eit kulturelt forfallsteikn?
Trua på at alle tabu bør avviklast står så sterkt i vårt samfunn at vi har lett for å reagera med ryggmergsrefleksen. Så når Aftenpostens Ingeborg Senneset nyleg lanserte det å angra på å få barn som eit siste tabu, er det lett å svara med automatisert applaus.
Så flott, Senneset. Så fint at eit nytt «siste tabu» står for fall. Ja, dette må vi snakka meir om, dette er sanneleg viktig å opna opp om.
Heilt i tråd med feministen Orna Donath som i si bok «Regretting motherhood» (2017), hevdar at samfunnet nærast tvingar kvinner inn i morsrolla.
