Forsoning som forkastar «to syn» i Den norske kyrkja?

Planane om ei storstilt forsoningsgudsteneste der Den norske kyrkja skal be om tilgjeving overfor såkalla skeive miljø, er sette på vent. Preses Olav Fykse Tveit, som sjølv er initiativtakar, seier til Dagen at det enno ikkje er sett nokon dato.

Svara han gir Dagen i samband med framdrifta på planane, kan tyda på at kyrkja blir innhenta av dei innebygde paradoksa i det å seia to heilt motsette ting på ein gong.

På den eine sida er det forståeleg at skeive miljø ønskjer det leiaren for kyrkja sitt lhbtq-utval, prost Kristine Sandmæl kallar «et fulltonende ja til likekjønnet vigsel». Her er det «har du sagt a, må du seia b»-logikken som gjer seg gjeldande. Har kyrkja først opna for å velsigna ein viss praksis, er det lett å skjøna det underlege ved det atterhaldet som framleis kjem til uttrykk.