Synspunkt
PÅ FLUKT: Chin-flyktninger fra Myanmar deltar i en demonstrasjon mot juntaen, i New Delhi, India.
Altaf Qadri / AP / NTB
Gjer seg klare til borgarkrig
I desperasjon grip unge sivile i Myanmar til våpen for å slåss mot militærjuntaen. Landet kan gå mot borgarkrig.
Dei unge grip til våpen fordi «væpna kamp er det einaste håpet, det einaste alternativet dei har». Det seier ei kjelde Stefanusalliansen har inne i ein treningsleir for ei væpna gruppe i den fattige Chin-staten vest i Myanmar.
I Camp Victoria-leiren har den etniske væpna opprørsgruppa Chin National Front (CNF) lenge hatt hovudkvarteret. Ho vart oppretta i 1988, etter hærens brutale angrep på sivile demonstrantar også den gongen.
I leiren får no den ferske militsgruppa Chinland Defence Force trening, etter kuppet 1. februar. Mange av dei unge kjem frå landsbyane i den fattige Chin-staten. Andre har teke seg fram over lengre avstandar, opp i fjellområda.
