Gleda vart øydelagt

Eg trur det er mange av oss som er interesserte i norsk fotball, som har gledd seg over at KFUM Oslo kunne ta steget opp i Eliteserien. Og viss Vålerenga i tillegg skulle koma til å rykka ned, vil dei verta det einaste Oslo-laget på øvste nivå. Det er jo ein underleg og artig tilleggsdimensjon.

Drømmemål sendte KFUM og «profetene» til himmels

Men – gleda mi vart øydelagt av reportasjane søndag5. og måndag 06. november, då opprykket var klart, og spelarar og lagleiarar markerte gleda si. Det kom tydeleg fram at ein la opp til festing med sterk drikke.

Og det var fleire som brukte stygge bannord og grove uttrykk, som både er ugras i språket vårt, og som idrettsfolk og andre ideal for born og unge må halda seg for gode for.

Det høyrer definitivt ikkje heime hjå eit lag med det namnet og den tradisjonen som KFUM Oslo er ein del av.

«Profetene» mobiliserer før skjebnekampen: – Ikke noe vi opplever hver dag