Glede i Gud utan alkohol

7/1 påpeika Jan Bygstad alkoholen sine dårlege frukter. Men likevel var agendaen hans å fremja alkoholhaldig nattverdsvin, for å vera tru mot Jesus slik han ser det.

Men om enn historisk forsking tyder på at det var alkohol i Jesu vin, og vin i Skrifta mange plassar er eit uttrykk for Guds velsigning, talar Skrifta også mot alkohol – med sterk støtte i erfaringa.

For viss «vinunderet» i Joh 2:1–11 innebar at Jesus velsigna fulle folk med alkohol (vers 10), står Messias for ein uansvarleg liberal skjenkepolitikk, som undergrev Ordt 31:4–9 til kongar om ikkje drikka vin særleg for å kunna hjelpa folk som held på å gå til grunne – ut av ein lagnad som i praksis ofte skuldast rus.