Godt og lagleg ver

Ola Nordmann har alltid vore oppteken av ver. har me ikkje noko anna å snakka om, så kan me i alle fall snakka om vêret! Mange av dagsnyttsendingane i radio og TV har også mykje «vêrstoff» i seg.

Det er flaum og tørke mange stader kringom i verda. Og det gjer meg vondt å sjå kor mange av mine medmenneske har det. Tenk berre på flaumen i Ukraina og tørken i fleire afrikanske land.

Så veit me at alt liv treng vatn. Me likar godt at det er sol og varme, men vatnet er avgjerande verdi for oss alle. Så «fint» ver er ikkje alltid godt ver for oss.

Me er oss sjølve nærast, og eg såg nett no eit innslag frå kornbønder på Austlandet, eller heiter det Innlandet no? Det er kritisk for dei, og det kan fort verta kritisk for andre bønder og. Då måtte eg tenkja på ein lekk i den «gamle» kyrkjebøna der me bad om «godt og lagleg ver» (ei fin formulering!).

No er ikkje det leddet alltid med lenger. Det saknar eg. Så eg vil oppmoda oss alle til ha dette med i bønene våre. Og det hadde heller ikkje skada om det kom inn att som fast lekk i kyrkjebøna vår!