Halvparten av omkomne i fritidsbåtar var påverka av alkohol

Sjøfartsdirektoratet har sidan 2001 registrert dødsulykkene i samband med bruk av fritidsbåtar. Det er utarbeidd statistikk som syner i kva samanheng ulykkene har skjedd.

I året 2022 var det 34 som omkom i samband med bruk av fritidsbåt. Elles har talet på omkomne sidan 2016 vore mellom 20 og 30 for kvart år. Det er nokre færre omkomne enn før 2016.

Mange av ulykkene skjer i samband med at folk går om bord eller forlèt fartøyet. Statistikken syner elles av mange av ulykkene skjer i helgene – frå fredagskveld til søndagskveld – og om sommaren. Om lag halvparten av dei omkomne var påverka av alkohol.

Sjøfartsdirektoratet påpeikar i ei pressemelding at når ein har promille, blir kroppen raskare nedkjølt dersom ein hamnar i vatnet. Ein blir óg dårlegare til å berge seg sjølv og andre, og lettare mister medvitet. Dei enklaste sikringstiltaka er å halde seg edru og bruke flytevest.

No har sommaren komme, og fleire fritidsbåtar er i bruk. Vi vonar at alle hugsar at alkohol og fritidsbåtar ikkje høyrer saman.

IOGT vil ynskje alle ein god ferie utan alkohol!

Doblet salg – frykter at unge drikker mer

Sommarfint samvær er flott