MED KROSS: Eg oppfattar eit kapell som eit kyrkjeleg hus, og i slike hus er krossen heilt sentralt, skriv Brynjulv Hernes. Her frå Takvam kapell i Arna.Odd Mehus
Det nærmar seg jul. I heimar, kyrkjer og i mange andre hus vert det sunge om Jesus Frelsaren, som vart fødd julenatt. Me veit og kva som hende vidare med han. Han vart krossfest. Derfor er krossen eit viktig og sentralt begrep i kristendommen.
I Grunnlova vår, § 2, står det m.a. «Verdigrunnlaget skal frameis vere den kristne og humanistske arven vår.» Dette er nok ikkje Human-Etisk Forbund einig i. Difor vil dei ha krossen vekk frå kapell.
Eg oppfattar eit kapell som eit kyrkjeleg hus, og i slike hus er krossen heilt sentralt. Det må HEF også forstå og respektera.
