Israel fekk sympati og medkjensle i maks to dagar

Det skjer dramatiske ting rundt oss heile tida og du må avgjere kva som er rett og gale. 7. oktober vart sivile drepne i Israel på den mest bestialske måten du knapt kan tenkje deg. Barn, kvinner, menn, eldre og uføre. Brutalt drepne. Framgangsmåten var så djevelsk at du får ikkje bilete eller omtale av hendinga i norske medium.

Sympati og medkjensle fekk Israel i maks to dagar før all fokus vart flytta over på Gaza og palestinarane.

Deretter har FN, norske styresmakter og media stort sett fokusert på palestinske interesser og behov for hjelp og støtte. 220 israelske gislar som Hamas hadde tatt vart nesten ikkje nemnt frå FN, norske styresmakter eller verdssamfunnet, men at Israel reagerte på hendinga 7. oktober og valde å gå etter Hamas, vart kritisert av t.d. FN.

Du får aldri vite korleis Israel skal kunne forsvare seg mot ein terrororganisasjon som byggjer tunnelar med våpen under eit sjukehus og nyttar sivile som skjold for soldatane sine. Våre norske styresmakter har vald side i konflikten og er på terroristen si side, nemleg feil side av historia, og dette vil komme til å ramme Norge på sikt.

Israel står midt i ein krig som dreier seg om landet sin eksistens. Hamas har i sitt charter som mål å fjerne staten Israel, og derfor er denne konflikten litt meir alvorleg enn litt mangel på dialog.

Dersom Israel taper denne kampen, er det Europa og Norge som står for tur. Legg merke til det som skjer rundt om i europeiske hovudstader med store demonstrasjonar knytt til det som skjer i Midtausten. Dette er potente krefter som eit svakt og romsleg Europa vil ha store problem med å handtere.

Innvandring er derfor eit tviegga sverd som fort kan bli meir enn litt hovudverk. Utviklinga er jo i tillegg rimeleg tydleg ved at fødselstala viser at i løpet av få år vil innvandringa gi eit framandkulturelt fleirtal og då kan alt skje. Eit teikn på denne endringa er at antisemittismen veks sterkt i Norge for tida og det skjer ikkje utan grunn. Dette er sterkt uroande.

Gaza: Derfor er umiddelbar våpenhvile en dårlig idé

Gaza blir framstilt som nærast eit fengsel og at Israel held dei i eit jerngrep. Det kan ikkje vere korrekt. Israel og alle jødar trekte seg ut i 2006. Vi får opplyst at det oppheld seg 200 «norske» i Gaza som jo er eit «fengsel». Det er mange narrativ du blir eksponert for i dag.

Krig er grufullt og det rammer i for stor grad sivile liv, men ansvaret ligg hovudsakleg hos leiarane i eit samfunn, og i Gaza må Hamas ta sitt hovudansvar, godt støtta økonomisk av våre skattepengar.