Israels kamp er meir enn ein forsvarskamp

Det går føre seg ein alvorleg krig i Midtausten mellom Israel og Hamas. Slik som i alle krigar blir mange sivile råka, og det er djupt tragisk.

Vi må likevel greie å skilje mellom rett og gale, sant og usant. Viss Israel legg ned våpena og satsar på fred, risikerer dei å bli utsletta – fordi det er faktisk eitt av måla til Hamas og samsvarar godt med utsegnet «From the river to the sea»!

Viss Hamas legg ned våpena og går for fred, så vil faktisk Gaza blomstre, og dei kan byggje sivilsamfunnet til beste for innbyggjarane. Ingen sivilsamfunn har motteke meir økonomisk støtte enn Gaza, og likevel greier dei ikkje å gi sivilbefolkninga nødvendige tenester som t.d. bomberom.

Palestinske Ziad (57): – Israel tror vi fryder oss over 7.oktober. Det er feil

Derimot har leiarane enorme formuar som sjølvsagt er erverva gjennom hardt arbeid og det er sjølvsagt ikkje snakk om korrupsjon. Yasser Arafat lét etter seg seg ein formue på 8 milliardar dollar og ei gate i London.

Denne kampen i Midtausten er ein sivilisasjonskamp og er langt meir alvorleg enn vi kan førestille oss. Norge må avslutte sin mangeårige stupide AUF-romanse med Hamas, og vi må ikkje minst stoppe milliardoverføringa til ein terrororganisasjon.

Islamismen er farleg og må stoppast, og viss vi ønskjer at slekter skal følgje slekters gang i Norge, må vi innsjå sanninga jo før jo heller. Viss ikkje er det fredslege Norge å rekne som tapt. Storparten av biskopane ønsker islam velkommen og det må sjåast på som naivt, dumsnilt og mykje uforstand.

Vi må no som folk velje om vi vil vakne og innsjå kva som skjer rundt oss og handle ut frå det. Det viktigaste er først å innsjå at noko skjer, det skjer fort og er snart komme så langt at vegen tilbake blir vanskeleg.

Vesten er over tid i stor grad svekkja – politisk, økonomisk og militært. Via vårt engasjement i Ukraina er vår forsvarsevne svekkja og på same tid har vi lagt oss ut med ein supermakt som er vår næraste nabo.

USA, som er ein viktig berebjelke i Nato-samarbeidet, har ein svært svekkja president som i tillegg leier eit land som er nær borgarkrigs-liknande tilstandar med opne grenser for inntrengarar – innvandring utan kontroll i det heile. Han påstår på same tid at Donald Trump er ein fare for demokratiet. Forstå det den som kan.

Israel fekk sympati og medkjensle i maks to dagar

Vi er ein del av eit ope EU gjennom EØS-avtalen. Her opplever vi grenser utan kontroll, og det renn inn inntrengarar – om lag ein million siste året. Kven som er i denne gruppa, veit vi lite om.

Vi må no tørre å vere på rett side av historia og innsjå at det er israelittane og ikkje islamistane som er ofre for blodtørstige barnedrapsmenn og gjennomførte bestialske gjerningar. Dette står palestinarane og jublar for og dansar i gatene over.

All norsk palestinahjelp må no kuttast ut og vi må trekkje oss ut av givarlandsgruppa. Israel må støttast med alle midlar av alle siviliserte land.

Kampen Israel står i er også vår kamp, fordi dette er no ein kamp som gjeld oss alle mot hat og brutalitet og for menneskeverdet.