Debatt
STATSBUDSJETTET: Ivar Aasen har eit godt råd til oss alle: «Eg tykkjer støtt at det høver best å hjelpa den som treng det mest.» Då har vel til dømes rusomsorg og hjelp til flyktningar høgare prioritet enn skattelette, skriv Brynjulf Hernes.
Erik Johansen / NTB
Ivar Aasen og statsbudsjettet
Alle som har vore/er kjenner til ordet: prioritering. Eit godt norsk ord er rekkjeordning. Noko viktig må komma før andre viktige saker/løyvingar.
Eg vil tru at Stortinget sine komitear no er i gang med statsbudsjett for 2025. Dei har det ikkje lett! Noreg har hatt det godt økonomisk, og det å kutta ut, skjera ned på ei eller fleire gode ordningar vekkjer naturlegvis harme og frustrasjon.
I folkeskulen for 70 år sidan lærte eg songen av Ivar Aasen: Dei vil alltid klaga og kyta. Eg må tenkja på ei strofe frå den songen når eg i dag les om kommentarar på statsbudsjettet. Eller den vonde striden om skulenedleggingar i Innlandet og i Østfold.
