Ja, nynorskelevane skal få BlimE!

BlimE! er NRK Super sin årlege venskapskampanje. «Ver ein ven. Sei hei, BlimE!» er slagordet. Skuleborn over heile landet lærer seg songen og dansen, som er ny for kvart år, og dansar og syng saman på BlimE-dagen. Målet med kampanjen er å styrke venskap og samhald gjennom å gjere noko saman.

Det er viktig for NRK Super at born føler seg inkluderte i innhaldet som kjem frå oss, og spesielt når det gjeld BlimE! Derfor er vi veldig bevisste på å representere mange typar mangfald i dette prosjektet. Vi inkluderer born med ulik funksjonsgrad og publiserer BlimE-songen på norsk, samisk, teiknspråk og for ASK-brukarar (alternativ og supplerande kommunikasjon) i tillegg til fleire europeiske språk. Og i år kjem den norske songen både på bokmål og nynorsk.

NRK Super skal halde fram med å oppfylle kravet om 25 prosent nynorsk i innhaldet vi publiserer, men vi kan ikkje love at det vil skje innanfor akkurat valet av BlimE-artist.