Julegåve frå Erna og Jonas til studentane: Høgare prisar

Året er snart omme. Med det så er også eit nytt semester omme, og eg, som fleire studentar, ser fram mot å få komme heim der mor og far betalar for maten. Andre studentar er nok ikkje like heldige, og det er ikkje gitt at våre foreldre heller har så god råd.

Det som i alle fall er usikkert, er kjøp av julegåver. Mykje av dette er nytt. Med auka prisar på både mat og straum har budsjettet til studentane blitt stramma inn.

Auka på prisane har laga merke på meiningsmålingane. Problemet er at Erna og kompani ikkje kjem til å ta skikkelege grep for å ta tak på krisa. Tvert om. For Noreg har straum nok til å forsyne seg sjølv. Problemet kjem når vi koplar oss til Europa med straumkablar, samtidig som at Europa kuttar energiband med både Russland og eiga kraftindustri. Jonas og Erna er sameinte i den proeuropeiske energipolitikken, sjølv om dette går ut over det norske folk.