Kan hausten bergast?

For tjue år sidan gav Gud meg eit syn på eg skulle tala i Familiekirken på Ganddal. Pastor Jon Arve Lunde har nett minna meg på dette synet som eg delte på Øksnavad Jordbruksskule der dei hadde gudstenestene sine på den tida.

Eg trur dette synet er like aktuelt i dag. Det rørte ved meg på ny og skapte lengt og bønn i meg: Gjer det på ny! Lat Anden falla over oss! Lat vekkinga på ny skapa håp og nytt liv!

Eg såg ein stor kveiteåker, men det var ikkje noko flott syn. Det meste av kveiten i åkeren låg flatt. Store regnskurer og sterk vind hadde øydelagd åkeren. Stråa var brotne og kveiteaksa låg heilt flatt på marka og stod i fare for å rotna. Det var eit svært sørgjeleg syn for det såg ut til at heile hausten var øydelagd. Eg vart fylt med tårer då eg såg dette triste synet av ein flat kveiteåker.