Kjærleik til pengar

Det er ikkje vanskeleg å tippa kva som har vore samtaleemne i mange heimar og miljø i dag. Og det er sikkert mange fleire enn meg som tykkjer synd i Erna i dag. Og me gjer vel i å hugsa på den familien i bøn no. Det skal god rygg til å tola slik omtale i alle media.

Tidlegare tala me om kva me hadde med oss av barnelærdom. I dag snakkar me ikkje så mykje om barnelærdom. Men til denne lærdomen høyrde bodorda, me har ti av dei.

For mange av oss er dei gode vegvisarar i mange livssituasjonar, og eg seier til meg sjølv: Me treng gjenreising av desse gode livslovene. Sjølv om dei vart gjevne til israelsfolket for fleire tusen år sidan, er dei framleis aktuelle. Me treng å atterreisa respekten for boda.

No er eg over 80 år men var lærar i fleire år. Og eg minnest eg brukte ein svensk biletserie over dei ti boda. Teksten til bileta viste kor tidsaktuelle boda også er i dag. Dei har ikkje gått ut på dato slik mange datostempla varer er i dag. Hugs det!

Sindre Finnes, Erna Solberg og oss andre dødelige

Alle ynskjer me leva i eit godt samfunn der me kan ha tillit til kvarandre. Då er mi bøn til alle som har haldningsskapande yrke og som foreldre: Bruk dei ti boda som gode levereglar for små og store. Då vil samfunnet verta betre for oss alle.