Anmeldelser
Anne Kalvig, tidlegare religionsprofessor ved Universitetet i Stavanger
Alice Tegle
Kjønn som slagmark
Innføringa av verdas mest radikale lover om kjønn, representerer ei stygg flengje i norsk demokrati og kvinnesak, skal vi tru forfattar Anne Kalvig. Det skaper også overraskande alliansar.
Haustens utgjeving frå den tidlegare professoren ved Universitetet i Stavanger har hatt eit dramatisk personleg preludium. I sommar sa ho opp ei akademisk prestisjestilling utan å ha anna arbeid å gå til.
Boka hennar, «Kjønnstru- kampen om røynda» er eit kontant svar til alle som måtte meina at ny kjønnsteori berre dreier seg om å koma ei lita sårbar gruppe i møte. Undertittelen poengterer at kjønnsdebatten må lesast inn i ein mykje større samanheng.
Han er eit ekko av Kalvigs nylege svar på Dagens spørsmål om kva ho meiner står på spel: «Sjølve menneskesynet».
