VISDOM: La oss halde fast på at Gud i sin visdom har etablert to eigedomsfolk, og han har både sin arbeidsplan og frelsesplan med begge desse to folka, skriv Kjell Furnes. På biletet ser vi biskop Atle Sommerfeldt.
Astrid Dalehaug Norheim
«Kristensionist» som skremsel
Når han, og biskopane med han, brukar «kristensionisme» som eit generelt uttrykk og forkynnar ein skremselsbodskap som dei no gjer, så er dei etter mi meining «på ville vegar».
Eg skal vedgå for biskop Atle Sommerfeldt at eg har ikkje lest verken John Hagee, Tim LaHaye, Jerry B. Jenkis eller Pat Robertson, men eg har gjennom eit langt liv studert min bibel.
Eg har også hatt den lukke, heilt frå eg som nittenåring i 1955 gjekk på Bibelskulen i Bergen, å få lytta til god bibelsk forkynning. Også om det temaet som Sommerfeldt no prøver å skremme meg med.
Eg las mellom anna Adolf Bjerkreim si bok «Israel og Palestina» (1949) Det er fint i dag å slå opp boka på nytt og sjå at utviklinga har blitt nett slik som Bjerkreim teikna for meg. Og kvifor det? Jau, han heldt seg til Skrifta sitt vitnemål.
