BLIR FÆRRE: Dersom det ikkje vert tekne tydelege grep for å stansa den vedvarande utvandringa,
vil Tur Abdin-området i Tyrkia innan ein generasjon eller to vera utan kristent nærvær, skriv Johannes Morken.
Kari Fure
Kristne som klorar seg fast
Ei 1600 år gamal kyrkje som kanskje blir hotell, ein munk som er grunnlaust tiltalt for terror og eit bortført ektepar. Tre dramatiske akter i kristen kamp for å overleva søraust i Tyrkia.
Fram til for 100 år sidan var Tur Abdin søraust i Tyrkia eit kristent kjerneområde. I dag klorar eit par-tre tusen kristne seg fast. Bokstaveleg talt.
Snart kan endå eit fysisk uttrykk for det kristne nærværet ryka for godt. Ei kyrkje frå det fjerde hundreåret er lagt ut for sal. Dei private eigarane av Mor Yuhanon-kyrkja (St. Johannes) som har brukt bygget som lager, har millionar å tena.
Kyrkja ligg i ein forstad til byen Mardin. Den er verdsett av meklaren til ein sum som svarar til 8,3 millionar kroner.
